Friluftsliv
Kano, kajakk og båt- Birtedalen har mange vatn som eignar seg veldig godt til kano og kajakkpadling.
Det er liten høgdeforskjell og korte avstandar mellom fleire av vatna.
Fisking - Det er mykje fisk i vatna. For det meste aure, og litt røye.
Steikt på bålet, røykt eller i panna, godt er det uansett! Hugs å løyse fiskekort.
Det er heller ikkje alle vatn som er med i ordninga med fiskekort. Sjekk det før du legg ut på tur.
Turisthytter - Aust- Agder turistforening som har ansvar for turisthyttene i Birtedalen. Granbustøyl 775 moh, Nutevasshytta 930 moh, Hengeltjørnloftet 700 moh, Nystøyl 885 moh.
Om du tek ein dagstur eller overnattingstur til fots eller ski, begge delar er mogleg.
Skiløypene i Birtedalen strekker seg over eit stort område frå 600 til over 900 moh.
Om du vil ta turen over Rjupeto, som ligg på ca 900 moh er dette ein utruleg fin tur, med flott utsikt.
Løypene blir køyrd opp så snart det let seg gjere, og så lenge det let seg gjere.
Her er eit løypelag og vi ser gjerne at de betalar løypeavgifta for å støtte opp om det arbeidet.
Birtedalen sti og løypelag - på Facebook og på heimesida til laget Birtedalen sti- og løypelag
- her finn du informasjon frå Birtedalen gjennom heile året.
Topptur - Fyresdal har mange godt merka toppturløyper.
I Birtedalen finn du tre av løypene, Nasefjell 916 moh, med god utsikt mot heile Fyresdal, Jåmsfjell 936 og Kviptefjell 903 moh.
